No tink
I no know
What dat mo`o know
Da one who stay stuck
On da cah windo
Or inside one crack
Or on one doah
All green and secret Like
You know da one
Like da mo`o of ole times
Da one fo good luck
Who like ride inside Maui pocket
Riding da wind
Looking fo land, fo aina, fo one place
Fo come ashore Makai side
But da wind come too strong
Like da one come out your mout
Every day
All nice like
One perfec wave
Til da air come flat
And you jus one stink buggah
Who tink
I no
Know
But I know
like one mo`o
know
Riding da storm.
